Idinipensa ng Department of National Defense (DND) ang ginagawang jail facility para kay US Marine Lance Corporal Joseph Scott Pemberton.
Ayon kay Defense Spokesman Peter Paul Galvez ang nasabing jail facility kung saan ikukulong si Pemberton ay extension facility lamang ng New Bilibid Prisons (NBP).
Binigyang diin ni Galvez na may basbas ng korte ang lahat ng aksyon kaugnay sa kaso ni Pemberton partikular nang pagpipiitan dito.
Tikom naman ang bibig ni Galvez kung hanggang kailan manananatili si Pemberton sa piitan nito ngayon na isang air conditioned container van na nasa loob ng US controlled facility sa Camp Aguinaldo.
No special treatment
Walang makukuhang anumang special treatment mula sa BuCor o Bureau of Corrections si US Marine Lance Corporal Joseph Scott Pemberton.
Tiniyak ito muli ni NBP Chief Rainier Cruz matapos mahatulang guilty si Pemberton.
Ayon kay Cruz, sakop ng probisyon ng VFA o Visiting Forces Agreement si Pemberton at mayroon nang unang kasunduan hinggil sa mutually agreed facility tulad ng Camp Aguinaldo dadalhin ang mga makakasuhang sundalong Amerikano.
Kinumpirma ni Cruz ang memorandum of agreement nila sa AFP hinggil sa paggamit bilang extension facility ng NBP sa piitan sa loob ng Camp Aguinaldo kung saan ide-detain si Pemberton.
By Judith Larino
