Naghain na ng kanyang certificate of candidacy o COC si Davao City Mayor Rodrigo Duterte para sa pagka-pangulo sa 2016 elections.
Naganap ito ilang oras matapos niyang i-withdraw ang kanyang COC para sa local election sa lungsod.
Ang kanyang anak naman na si Inday Sara ang substitute ni Duterte sa mayoral race.
Ang COC ni Mayor Digong ay inihain sa law department ng Commission in Elections o COMELEC Main Office sa Maynila sa pamamagitan ng kanyang kinatawan na si Atty. Salvador Medialdea.
Kasama rin sa mga isinumite ni Medialdea ang certificate of nomination at acceptance mula sa Partido Demokratiko Pilipinas-Lakas ng Bayan o PDP-Laban na nilagdaan nina Duterte at Vice President ng partido na si Engr. Salvador Ty.
By Jelbert Perdez | Aya Yupangco (Patrol 5)
