Aarangkada simula bukas, Disyembre 1 hanggang 31 ang 24 oras na operasyon ng Libreng Sakay sa EDSA Busway.
Ito ay sa ilalim ng Service Contractiong Program ng Department of Transportation (DOTr) at Land Transportation Franchising and Regulatory Board (LTFRB).
Batay sa board resolution ng LTFRB, aabot sa 100 bus ang papasada sa EDSA Carousel sa pinalawig na operational hours mula alas-11:00 ng gabi hanggang alas-4:00 ng madaling araw.
Mayroon namang 650 buses na bibyahe mula alas-4:00 ng madaling araw hanggang alas-11:00 ng gabi at aabot sa anim na single trip mula Monumento hanggang Parañaque Integrated Terminal Exchange (PITX).
Inaasahan din ng ahensya ang pagdami ng mga pasahero dahil sa extended mall hours, 25 araw bago mag-Pasko. –-sa panulat ni Jenn Patrolla
