Tinatayang 56 na kabahayan ang natupok ng apoy sa magkahiwalay na sunog sa Cebu City sa nakalipas na magdamag.
Sumiklab ang isang sunog sa Sitio Langub, Barangay Kalunasan pasado alas-10 ng gabi kahapon pero naideklara ring under control.
Nagtamo ng first-degree burn sa kaliwang braso ang isang residente na sinasabing may-ari ng bahay kung saan nag-umpisa ang sunog habang 50 bahay ang nasunog at 50 pamilya o 205 indibidwal ang nananatili sa gym ng barangay.
Kung saan, mahigit 1.9 milyong halaga ang napinsala ng sunog.
Samantala, pasado alas-2 ng madaling araw kanina isang sunog rin ang naganap sa barangay Talamban.
Nasa anim na bahay ang natupok ng apoy na tumagal nang 20 minuto bago maideklarang fire out.
Tinataya namang 840,00 halaga ang napinsala sa ikalawang insidente ng sunog. – sa panulat ni Maze Aliño-dayondayon
