Aabot sa 2,789 manggagawa na nawalan ng trabaho sa Isabela Province ang nabenipisyuhan mula sa Tulong Panghanapbuhay sa ating Disadvantaged/Displaced Workers (TUPAD) program.
Ayon sa DOLE Regional Office 2, nagmula sa 5 munisipalidad ng Isabela ang mga manggagawa na kinabibilangan ng Ramon, Alicia, Cabatuan, Santiago at Cordon.
Si Provincial Director Evelyn Yango ng Isabela Field Office ang nanguna sa pamamahagi ng tulong katuwang si Assistant Regional Director Elpido Atal Junior.
Sa ilalim ng TUPAD program, makakatanggap ng 3,400 hanggang 5,100 na tulong ang isang manggagawa depende sa tagal nito sa paglilingkod.
