Pinuri ng isang kongresista ang panukalang maglagay ng motorcycle lane sa Commonwealth Avenue sa Quezon City upang maiwasan ang mga motorcycle-related accidents.
Sa isang pahayag, nagpasalamat si 1-Rider Party-list Rep. Ramon Rodrigo Gutierrez sa Metro Manila Council at Metropolitan Manila Development Authority (MMDA) dahil sa nasabing inisyatibo.
Matatandaang nagkasundo ang mga miyembro ng MMC na maglaan ng exclusive lane para sa mga motorsiklo at maging sa mga bisikleta at public utility vehicles o PUVs.
Ang outermost lane ng Commonwealth Avenue ay ilalaan na para sa mga nagbibisikleta habang para naman sa PUVs ang kasunod na linya at sa mga motorsiklo ang third lane.
