Tiniyak ni House Speaker Martin Romualdez na isasama sa 2023 National Budget ang pondo para sa pagsaayos ng mga pampublikong imprastraktura na napinsala sa naganap na paglindol kahapon.
Ito ang inihayag ni Romualdez sa pagbisita nito sa mga biktima ng lindol at mga komunidad na napinsala ng pagyanig sa abra kasama si Pangulong Bongbong Marcos Jr. at iba pang opisyal ng gobyerno kanina.
Kasabay nito ang panawagan sa kanyang mga kasamahan sa apektadong probinsya na magsagawa ng sariling budget assessment bilang paghahanda sa susunod na budget hearing.
Suportado rin aniya ni Romualdez ng kamara ang panawagan ni Senator Imee Marcos na pondohan ang pagpapanumbalik ng heritage at cultural sites sa pamamagitan ng pakikipag-ugnayan sa mga kinatawan at lokal na opisyal ng mga apektadong lalawigan.
Habang hinimok rin ng mambabatas ang mga pribado at pampublikong sektor na magsanib pwersa sa pagsasaayos ng mga komunidad na napinsala. – sa ulat ni Tina Nolasco (Patrol 11)
