Umaasa ang isang eksperto na palalawigin pa ang umiiral na State of Calamity o State of Public Health Emergency sa Pilipinas.
Ito’y ayon kay Dr. Rontgene Solante, Infectious Disease Expert, matapos ipag-utos ni Pangulong Ferdinand Marcos Jr. sa Department of Health (DOH) na pag-aralan kung palalawigin o aalisin na ang State of Public Health Emergency.
Paliwanag ni Solante, mainam na manatili ang State of Calamity dahil na rin sa banta ng Monkeypox outbreak at dengue, at upang maihanda rin ang healthcare system ng bansa.
“Pwede namang bigyan natin ng timeline din, like i-extend muna natin in the next three months para matingnan natin kung ano ang status ng mga infections na ito. We have to re-evaluate after three months kung kailangan pa ba natin or hindi na,” ani Solante.
