Bigo ang Gilas Pilipinas Women U16 na talunin ang Samoa sa semifinals ng 2022 FIBA U16 Women’s Asian Championship.
Sa score na 88-73 panalo, nanaig ang Samoa matapos makakuha ng 28 points sa second quarter ng laro na naganap sa Jordan.
Mula rito, tuloy-tuloy na ang pag-abante ng Samoa hanggang sa huling buzzer ng laro.
Pinangunahan naman ni Naomi Panganiban ang Gilas Women matapos mag-ambag ng 15 points, sinundan ni Ava Fajardo na may 14 points at Kristan Geyl Yumul na kumubra ng 13 points.
Makakaharap ng Gilas U16 ang sinumang matatalo sa laban ng Lebanon vs. Syria para sa third place.
