Patay ang 37 katao habang halos 5K ang nawalan ng tahanan dahil sa malakas na pag-ulan na nagdulot ng malawakang pagbaha sa Northeastern Brazil.
Ayon sa ulat, pinakaapektado ng pag-ulan ang Recife, Kapitolyo ng Northeastern Pernambuco State kung saan 35 ang nasawi at higit 1K ang lumikas.
Nagmula naman sa Alagoas State ang dalawa pang nasawi kasama ang higit 4K residente.
Noong Disyembre nitong nakaraang taon, halos dosena ang nasawi at libu-libo ang nasugatan sa malawakang pagbaha sa Bahia State.
