Palalawakin pa ng pamahalaan ang pagtuturok ng ikalawang COVID-19 vaccine booster sa mga matatanda at healthcare workers.
Ayon kay Dr. Nina Gloriani, Chairperson ng Vaccine Expert Panel, ito ay upang mapalawig pa ang proteksyon sa iba pang high risk groups.
Nitong lunes nang simulan sa bansa ang pagtuturok ng ikalawang booster shot sa immunocompromised individuals.
Nakatakda namang maglabas ang Health Technology Assessment Council (HTAC), ng rekomendasyon sa paggamit ng ikalawang booster dose sa nalalabing vulnerable groups.
Sa ngayon ay limang vaccine brands lamang ang pinapayagang iturok bilang second booster shot kung saan kabilang dito ang Pfizer, Moderna, Astrazeneca, Sinovac at Sinopharm.
