Inihayag ni Justice Secretary Menardo Guevarra na may pananagutan pa rin ang mga local chief executive na sumingit sa vaccination program ng pamahalaan kahit hindi sila kabilang sa priority list.
Ayon kay Guevarra bagamat walang malinaw na probinsyon na nakapaloob sa COVID-19 Vaccination Program Act of 2021, may posibleng pananagutan ang mga opisyal ng pamahalaan dahil sa code of ethical conduct, partikular ang misconduct, abuse of power, at iba pa.
Mababatid na itong mga nakaraang araw, may ilang mga local chief executives ang sumingit at nagpaka-VIP sa nagpapatuloy na vaccination program ng pamahalaan kahit pa hindi sila kabilang sa priority list na makatatanggap nito.
