Patuloy pa rin ang pagdagsa ng mga pasahero sa mga paliparan upang makauwi at makapagbakasyon ngayong Holy Week.
Sa panayam ng DWIZ, sinabi ni Eric Apolonio, tagapagsalita ng Civil Aviation Authority of the Philippines (CAAP), kabilang sa mga dinadayong lugar ay ang Boracay, Kalibo, at Siargao.
Sa ngayon aniya ay mas marami pa rin ang bilang ng mga local tourist, at inaasahan na rin nila ang pagtaas ng bilang ng mga biyahero.
Tiniyak ni Apolonio na may sapat silang mga tauhan upang umagapay sa mga pasahero.
