Binabantayan ng PAGASA Weather Bureau ang tatlong weather systems at isang weather disturbance.
Patuloy na umiiral ang shearline sa Northern Luzon o ang linya kung saan nagtatagpo ang wind flow at easterlies kaya patuloy na mararanasan ang maulap na kalangitan.
Apektado parin ng easterlies o ang mainit na hangin galing sa Pacific Ocean ang Central at Southern Luzon kabilang na ang Metro Manila na nagdadala ng mga pulu-pulong pag-ulan, pagkulog at pagkidlat.
Mararanasan naman ang Inter-Tropical Convergence Zone (ITCZ) o ang linya kung saan, nagtatagpo ang hangin mula sa northern at southern hemisphere mula sa Visayas at Mindanao.
Ayon kay PAGASA Weather Specialist Benison Estareja, patuloy ding minomonitor ng kanilang ahensya ang Low Pressure Area (LPA) na namataan sa Eastern Mindanao na inaasahang papasok ng Philippine Area of Responsibility ngayong araw at maaaring tumawid pa Visayas at Mindanao area papuntang palawan sa Martes hanggang Huwebes.
Agwat ng temperatura sa Metro Manila ay maglalaro sa 26°C hanggang 34°C habang sisikat naman ang haring araw mamayang 5:50 ng umaga at lulubog naman ito mamayang 6:08 ng hapon. —sa panulat ni Angelica Doctolero
