Para kay House Lead Prosecutor Gerville Luistro, hindi na maaaring iapela ang hatol ng Senate Impeachment Court, kung ito man ay conviction o acquittal.
Kasunod ito ng ruling sa voting threshold ng Senate Impeachment Court kung saan, 13 na senator-judge ang pabor, isa ang tumutol, habang anim naman ang hindi nakilahok sa botohan.
Ito’y para malaman ang pinal na desisyon ng korte sa threshold vote o kakailanganing boto para sa conviction ni Vice President Sara Duterte.
Ayon kay Luistro, walang remedy for appeal o review sa magiging hatol ng Impeachment Court at kung iaakyat ito sa Korte Suprema, ay limitado lamang ito sa pagtukoy kung nagkaroon ng grave abuse of discretion ang Senado.
Iginiit ni Luistro, na naging maingat ang Senate Impeachment Court sa pagpapasya sa voting threshold, kabilang ang pag-imbita sa mga amici curiae, oral arguments ng prosecution at defense, at deliberasyon bago ang naging botohan. | mula sa panulat ni Geli Mendez
