Malabong maging malala ang epekto sa Pilipinas ng sub-variant ng Omicron na kasalukuyang nakakaapekto sa Hong Kong.
Ayon kay Infectious Disease Expert Dr. Edsel Salvana, mayroon nang tinatawag na hybrid immunity ang bansa na makukuha kung nagpabakuna na kontra COVID-19.
Nakakatulong din ito upang maging mild lang ang impeksiyon sakaling mahawa, dahil protektado ang katawan laban sa ba.2.2.
Sa oras na makapasok ang bagong variant sa bansa, hindi ito magdudulot ng malaking spike dahil mayroon na tayong exposure.
Batay sa huling sinabi ni health Usec. Maria Rosario Vergeire, wala pang nakikitang sub-variant ng Omicron sa Pilipinas.
Pero sa kabila nito, patuloy naman ang kanilang pagbabantay sa sitwasyon. – sa panulat ni Abby Malanday