Mahigpit ang pag-monitor ng Department of Agriculture (DA) sa presyo ng ilang produktong agrikultura sa Western Visayas na naapektuhan ng taas-presyo sa langis.
Ang mga produktong ito ay ang; kamatis, patatas, okra, repolyo, siling labuyo, asukal at langis.
Hindi naman nagbago ang presyo ng bigas, mais at isda hanggang nitong Marso 16.
Sa ngayon, inihahanda na ng DA ang listahan ng nasa 3,222 magsasaka sa western visayas na mabibigyan ng fuel subsidy mula sa gobyerno.
Kabilang lamang dito ang magsasaka ng mais at mangingisda, dahil nabigyan na ang iba ng tulong mula sa pamahalaan. – sa panulat ni Abby Malanday