Walang naitalang bagong kaso ng COVID-19 ang Muntinlupa City nitong Sabado batay iyan sa pinakahuling datos ng Health Office ng lungsod.
Batay sa tala, karagdagang 6 ang nadagdag sa listahan ng mga bagong gumaling habang walang naitalang mga bagong namatay.
Kaugnay nito nasa kabuuang 39,848 na ang lahat ng bilang ng kumpirmadong kaso ng virus sa lungsod habang 19 rito ang aktibong kaso.
Nabatid na tatlo mula sa siyam na barangay sa Muntinlupa ang COVID-19 free kabilang ang Ayala Alabang, Buli at Sucat.
