Hindi na maglalaan ang Department of Foreign Affairs (DFA) ng passport appointment slots para sa mga recruiter ng Overseas Filipino Workers (OFWs) simula March 14.
Ayon kay DFA Secretary Teodoro Locsin Jr. ito ay sa gitna ng mga indibidwal at grupo online na nangingikil sa mga aplikante kapalit ng nasabing slot na walang bayad sa ilalim ng DFA System.
Dahil dito, kailangan na aniya ng mga ito na mag-online para sa appointment slot.
Hindi naman maaapektuhan ng naturang hakbang ang mga ofw dahil sila ay papayagang mag walk-in sa DFA Aseana sa Parañaque para iproseso ang kanilang mga passport. —sa panulat ni Airiam Sancho
