Nasa 141 pilipino pa rin ang nananatili sa Ukraine sa kabila ng nagpapatuloy na pag-atake ng Russia.
Ayon kay Department of Foreign Affairs (DFA) Undersecretary for Migrant Workers Sarah Lou Arriola, 45 sa mga ito ay nasa capital na Kyiv na ayaw pa ring umalis.
Habang 15 pilipino naman ang nasa Lviv malapit sa border ng Poland at 55 ang tumungo na sa border ng Hungary.
Samantala, sa 40 pilipinong tumungo sa European Neighbors, 24 ang nasa Moldova, siyam ang nasa Austria at apat sa Romania.
Batay sa huling ulat, 19 na Pilipino na mula sa Ukraine ang nakauwi sa Pilipinas. —sa panulat ni Abby Malanday
