Maaari nang makapag-dine-in ang mga manonood sa mga sinehan kasabay ng pagpapatupad ng Alert level 1 sa Metro Manila at 38 iba pang lugar, simula ngayong araw hanggang March 15.
Ito, ayon kay health undersecretary Maria Rosario Vergeire, ay alinsunod sa inamyendahang health guidelines.
Sa ilalim ng pinaka-maluwag na COVID-19 Alert level status, inihayag ng Inter-Agency Task Force na wala ng mga restriksyon sa indoor at outdoor capacities.
Magugunitang ipinagbawal ang pagkain at pag-inom matapos payagan ang limitadong operasyon ng mga sinehan simula noong Disyembre.
