Welcome kay Partido Reporma presidential candidate at senador Panfilo Lacson ang endorsement mula kay Pangulong Rodrigo Duterte, sakaling makapili na ito ng susuportahang kandidato.
Aminado si Lacson na bagaman ang endorsement ay hindi nangangahulugang ipagpapatuloy niya ang mga polisiya ni Pangulong Duterte, hindi niya tatanggihan ang suporta mula sa isang popular na presidente.
Sa tanong naman kung anong mga polisiya ng Pangulo ang ipagpapatuloy, tinukoy ng senador ang “Build, Build, Build” infrastructure program at anti-drug campaign, pero kabilang na ang drug prevention programs at rehabilitation.
Samantala, bilang isang dating PNP chief at Philippine Military Academy Alumni, pabor si Lacson sa mandatory military service gaya ng reserve officers training corps.
