Kulong ang isang lalaking estudyante na kinilalang si Joseph Sabsalon Y Beaniza matapos makuhanan ng isang sachet na naglalaman ng 50 gramo ng shabu na nagkakahalaga ng P340K sa Bagong Sikat St, Brgy 132, Bagong Barrio, Caloocan City.
Ayon sa mga otoridad, sinita nila ang suspek dahil wala umano itong suot na facemask.
Nang lapitan ang suspek, ay nagtangka itong tumakas ngunit nahuli rin matapos ang maikling habulan.
Nahaharap sa kasong paglabag sa Comprehensive Dangerous Drugs Act of 2002, Disobedience of Lawful Orders of Persons in Authority at paglabag sa City Ordinance 0862 na nagmamandato sa pagsusuot ng face mask si Sabsalon. —sa panulat ni Angelica Doctolero
