Aapela ang Northern Samar Provincial Government sa IATF. Makaraang isailalim nito ang lalawigan sa mas mahigpit na alert level 4 hanggang katapusan ng Enero.
Kabilang ang Northern Samar sa apat na probinsyang isinailalim sa alert level 4 matapos lumampas ang health-care utilization rate sa 70%.
Nilinaw ni Provincial Health Officer Ninfa Caparroso-Kam na hindi naman kritikal ang COVID-19 cases sa kanilang lalawigan.
Ayon kay Kam, aabot lamang sa 84 hanggang 100 ang doubling time sa Northern Samar o malayo sa 200 na ikinukunsiderang kritikal.
Aminado anya silang nagkamali ang probinsya sa isinumiteng datos hinggil sa hospital bed utilization na maaaring dahilan ng desisyon ng IATF na isailalim sa alert level 4 ang Northern Samar.
