Kinumpirma ni Senador Sherwin Gatchalian na nagpositibo siya sa COVID-19.
Sa isang tweet, sinabi ng senador na naka self-quarantine siya at nakararanas lamang ng mild symptoms.
Patunay aniya ito na mabisa ang mga bakuna laban sa virus kaya’t hinikayat nito ang publiko na magpa-booster shot na rin.
Matatandaang kamakailan ay nagpositibo rin sa COVID-19 ang kaniyang kapatid na si Valenzuela City Mayor Rex Gatchalian.
