Nagbitiw na si Dr. Eric Domingo sa posisyong Chief Director ng Food and Drug Administration
Ito ang kinumpirma ni Domingo kung saan naging epektibo ang kanyang pagbitiw sa pwesto kahapon, January 3, 2022.
Hindi naman nagbigay si Domingo ng partikular na rason kung bakit ito umalis sa naturang posisyon.
Ang tanging sagot lamang ni Domingo ay ginawa na nito ang lahat ng kanyang makakaya para makatulong sa COVID 19 pandemic.
Inanunsiyo naman ng Department of Health (DOH) na agad nilang itatalaga si Dr. Oscar Guttierez, ang Deputy Director General ng FDA na gumanap muna bilang Officer-In-Charge (OIC) kapalit ni Domingo.
