Hindi inaasahan ni Pangulong Rodrigo Duterte ang ginawang paghahain ng kanyang anak na si Davao City Mayor Sara Duterte-Carpio sa pagka bise presidente lamang.
Binanggit ng pangulo sa isang panayam na ipinagtaka niya na nangunguna sa isang survey si Mayor Sara ngunit bilang ikalawang pangulo lamang.
Naniniwala si Pangulong Duterte na desisyon na ni Mayor Sara Duterte at dating Senador Bongbong Marcos ang pagtakbo nito sa pangalawang pangulo kung saan hindi nito pinangakuan na susuportahan ang dalawa.
Iginiit ng pangulo kay Senator Bong Go lamang niya ibibigay ang kanyang buong suporta.
Inamin ng pangulo na naaawa ito para kay Senator Go dahil sa mga nangyayari kung saan ipinamalas nito ang kanyang katapatan at tagal sa serbisyong kasama ito sa paglilingkod sa bansa.
