Nakuha na ni Justice Secretary Jesus Crispin Remulla ang kanyang kinakailangang clearance para sa kanyang pagtakbo bilang Ombudsman.
Kinumpirma ito mismo ni Sec. Remulla, kasabay ng pagsasabing naisumite na rin niya ang mga kinakailangang dokumento sa Judicial and Bar Council bilang bahagi ng proseso ng aplikasyon.
Nabatid na ibinasura ng Office of the Ombudsman ang mga kasong inihain ni Senador Imee Marcos laban kay Sec. Remulla kaugnay ng umano’y maling pag-aresto kay dating Pangulong Rodrigo Duterte.
Nabakante ang posisyon ng Ombudsman nang magretiro si Samuel Martires nitong Hulyo a-bente siyete matapos ang kanyang termino.
— sa panulat ni John Riz Calata
