Arestado ng mga otoridad ang dalawang empleyado ng Bureau of Customs matapos mangikil sa isang importer.
Kinilala ng mga tauhan ng BOC ang dalawang suspek na sina Appraiser Zosimo E. Bello at Examiner Salvador V. Seletaria na parehong naka-assign sa Port of Manila.
Ayon kay Commissioner Rey Leonardo Guerrero, nagkasa ng entrapment operation ang kanilang mga tauhan kasama ang mga tauhan ng National Bureau of Investigation (NBI) sa isang restaurant sa Ermita, Maynila matapos manghingi ng 300,000 piso halaga sa isang importer ang dalawang suspek bilang kapalit ng pagpapalabas ng mga kargamento dahilan ng kanilang pagkakaaresto.
Nakakulong na ngayon sa NBI headquarters sa Maynila ang mga suspek na isasailalim naman sa inquest proceedings at nahaharap sa patong-patong na kaso. —sa panulat ni Angelica Doctolero
