Itinanggi ng China na nagsagawa sila ng nuclear-capable hypersonic missile test.
Isinagawa umano ang test noong Agosto kung saan inikot muna ng missile ang mundo habang nasa outerspace bago tamaan ang target.
Gayunman, nilinaw ni Chinese Foreign Ministry Spokesman Zhao Lijian na hindi missile ang pinalipad kundi isang rocket na kargado ng spacecraft, noong Hulyo.
Hindi lang naman anya China ang nagsasagawa nito kundi maging ang ibang bansa na may kahalintulad na space development project.
Una nang inihayag ng US na nagsagawa ng hypersonic missile test ang China batay sa kanilang mga nakalap na intelligence report.—sa panulat ni Drew Nacino
