Inihayag ni President Tsai Ing-Wen na mas palalakasin at hindi nila payuyukuin ang kanilang bansa sa nais na “peace reunification” ng bansang China.
Ayon kay Tsai, walang sino man ang makakapagpilit sa kanila na tanggapin ang inilatag ng China na hindi umano nagbibigay ng kalayaan at demokrasya.
Matatandaang nagkaroon ng tensyon sa pagitan ng dalawang bansa matapos namataan ang ilang mga Chinese aircraft sa Taiwan’s air defense identification zone.
Bukod pa dito, nag-alok din ang China sa Taiwan ng “one country, two systems” model katulad ng ginagawa sa Hongkong pero tinanggihan ito ng ilang partido sa Taiwan.— sa panulat ni Angelica Doctolero
