Nasawi ang 16 na parachute jumpers matapos bumagsak ang eroplanong kanilang sinasakyan sa Tatarstan na bahagi ng Russia at sakop ng Eastern Europe.
Ayon sa Emergency Ministry at Health Ministry, bukod sa mga nasawi ay may 6 pang kritikal na sugatan na ngayon ay nagpapagaling pa sa ospital.
Sa imbestigasyon ng mga otoridad, sakay ng L-410 plane ang 20 pasahero nang masira ang left engine ng naturang eroplano.
Dahil dito, kinailangan nilang mag-emergency landing malapit sa Menzelinsk City ng Russia pero nang papaliko na ito ay tumama naman ang aircraft wing nito sa isang gazzele vehicle dahilan para mawasak at masira ang gitna at unahan ng naturang eroplano.
Inaalam na ngayon ng investigate committee ang dahilan at kung sino ang dapat na managot sa nangyaring insidente.— sa panulat ni Angelica Doctolero