Umabot na sa mahigit apatnapu’t anim na milyong doses ng Covid-19 vaccines ang naiturok sa buong bansa.
Sa nasabing bilang, nasa 24,513,343 ang nakatanggap ng unang dose habang 21,737,744 ang nakakumpleto na sa bakuna.
Sinabi ni National Task Force against Covid-19 Chief Implementer at Vaccine Czar Calito Galvez Jr., malaki ang kumpiyansa ng pamahalaan na mababakunahan ang mga kabataang labindalawa hanggang labimpitong sa bansa.
Magugunitang, aabot na sa 77,410,640 doses ang suplay ng bakuna sa bansa makaraang dumating ang nasa 1.8 million doses ng Pfizer Covid-19 vaccines na donasyon ng Amerika sa pamamagitan ng Covax facility.
