Aminado ang Independent Commission on Infrastructure na nanghihinayang sila sa pagbibitiw ni dating DPWH Secretary Rogelio “Babes” Singson bilang commissioner.
Ayon kay ICI Executive Director, Atty. Brian Keith Hosaka, bagaman nagulat sila sa resignation ni Singson, naiintindihan ng komisyon na hindi na kinakaya ng kalusugan nito ang trabaho.
Sa kabila nito, hindi anya matatawaran ang husay at kakayahan ni Singson, kaya’t umaasa ang ICI na may hahalili agad sa kanya.
Samantala, inamin din ni Hosaka na malaki ang epekto ng pag-alis ng dating kalihim sa ICI lalo’t nakapagsumite na sila ng mga rekomendasyon sa Office of the Ombudsman kaugnay sa mga sinasabing maanomalyang flood control projects.
