Magbabanggaan na ang Phoenix Super LPG fuel masters at Barangay Ginebra Gin kings sa kanilang crucial match sa gitna ng nalalapit na pagtatapos ng elimination rounds ng 2021 PBA Philippine Cup.
Nasa 8th spot ang fuel masters hawak ang kartadang 4-5 habang nasa 9th spot ang defending champion gin kings hawak ang standing na 3-5.
Walong team lamang ang papasok sa quarterfinal round at kapwa dapat makasungkit ng karagdagang panalo ang dalawang koponan upang maka-abante.
Magsasalpukan ang Phoenix at Ginebra sa Don Honorio Ventura State University gym sa Bacolor, Pampanga, mamayang ala-6 ng gabi.—sa panulat ni Drew Nacino
