Isinailalim ng City Government ng Ilagan, Isabela sa lockdown ang tatlong Barangay at 30 Sitio bunsod ng pagtaas ng COVID-19 cases.
Epektibo simula Setyembre 1 hanggang 16 ang localized lockdown sa Barangay Osmeña, Calamagui first at bliss.
Matatagpuan naman sa 18 iba pang Barangay ang mga apektadong Sitio.
Nagsasagawa na rin ng clean-up drive, sanitation at disinfection sa lahat ng barangay sa lungsod.
Kasalukuyang nasa ilalim ng Modified General Community Quarantine ang Ilagan.—sa panulat ni Drew Nacino