Labindalawang (12) Overseas Filipino Worker na ang kabilang sa mga aktibong kaso ng COVID-19 sa Indonesia.
Ayon sa DFA kabilang ang 12 sa 43 Pilipinong tinamaan ng COVID-19 sa nasabing bansa.
Naka-isolate na ang mga naturang OFW sa kani-kanilang tinutuluyan at kahit nagpositibo ay hindi nagpakita ng malalang sintomas.
Habang 31 naman sa mga Pinoy ang nakarekober na sa sakit.
Maaari namang mabakunahan kontra COVID ang mga OFW sa indonesia kung makikipag-ugnayan sa Philippine Embassy habang ang ilang kompanya ay inoobliga ang mga empleyadong magpabakuna bago makapagtrabaho.—sa panulat ni Drew Nacino
