Pinayuhan ng Department of Health ang mga senior citizen na bakunado na kontra COVID-19 na iwasan munang lumabas ng bahay dahil maaari pa rin silang mahawa ng naturang sakit.
Taliwas ito sa naunang pahayag ng Inter-Agency Task Force na maaari nang lumabas ang mga fully-vaccinated na senior citizen sa mga lugar na nasa ilalim ng general at modified general community quarantine.
Ayon kay Health Undersecretary Leopoldo Vega, peligroso pa rin sa anumang uri ng sakit ang mga lolo’t lola kahit may bakuna na.
Kung hindi naman anya maiiwasang lumabas ay dapat mag-ingat ang mga senior citizen sa pakikihalubilo sa ibang tao. —sa panulat ni Drew Nacino
