Tinatayang 200 pamilya ang nagsilikas sa gitna ng patuloy na pagtugis ng militar sa mga hinihinalang miyembro ng New People’s Army sa Iligan City.
Nananatili ang mga evacuee sa isang covered court sa barangay Rogongon.
Ayon sa militar, tinutugis nila ang isang armadong grupo sa boundary ng Iligan at Talakag, Bukidnon.
Noong isang linggo, isang sundalo ang patay habang isa pa ang sugatan matapos pagbabarilin nang aksidenteng dumaan sa hinihinalang checkpoint ng rebeldeng grupo sa Iligan.
