Pinapaimbestigahan ni BuCor Officer-in-Charge Gregorio Catapang ang nadiskubreng hinuhukay na lagusan sa loob ng New Bilibid Prison (NBP) sa Muntinlupa, Metro Manila.
Ayon kay Catapang, nanghingi siya ng tulong sa Department of Environment and Natural Resources (DENR) hinggil sa hinuhukay.
Sinabi naman ng DENR na maituturing umano itong ilegal at nasa 300 metro ang lapad ng tunnel kung saan palayo sa pader ng kulungan.
Kaugnay dito, kinausap pa umano ni Catapang ang operator ng backhoe na siyang nagdala ng kagamitan sa Bilibid ngunit hindi na ito muling nagpakita.
Sinusubukan nang kunin ang pahayag ng sinuspending Bureau of Corrections (BuCor) chief Gerald Bantag hinggil sa paghuhukay sa nasabing lugar. —sa panulat ni Jenn Patrolla