Pinatigil muna ng Department of Transportation (DOTr) ang biyahe ng mga sasakyang pandagat at lupa na patungong Visayas at Mindanao dahil sa banta ng bagyong Bising.
Ayon sa departamento, ang naturang suspensyon ay kasunod ng rekomendasyon ng Office of the Civil Defense Region V at aprubado ng National Disaster Risk Reduction and Management Council-Emergency Operations Center (NDRRMC-EOC).
Matatandaang huling namataan ang naturang bagyo sa 960 kilometro Silangan ng Surigao City, Surigao del Norte na may maximum sustained winds na 130 kilometro kada oras at may pagbugsong 160 kilometro kada oras.— sa panulat ni Agustina Nolasco
