Ikakasa na bukas, lunes ika-8 ng Marso ang pagbabakuna kontra COVID-19 sa mga health workers sa Bulacan.
Ayon kay Dr. Hjordis Celis, hepe ng Response Cluster ng Provincial Task Force against COVID-19, ang kabuuang 900 doses ng Sinovac vaccine na kanilang gagamitin ay bahagi ng donasyon ng China sa Pilipinas.
Sinabi ni Celis na aarangkada ang vaccination program sa Hiyas ng Bulacan Convention Center kung saan kasama siya sa mga unang babakunahan.
