Hinihikayat ng Philippine Drug Enforcement Agency (PDEA) ang publiko na iwasan na munang magkomento sa social media.
Ito’y may kaugnayan sa nangyaring engkuwentro sa pagitan ng PDEA at pulisya sa isang mall sa Commonwealth, Quezon City nuong isang linggo.
Ayon kay PDEA Dir/Gen. Wilkins Villanueva, ngayong pabor na sa kanila ang sitwasyon, makabubuting iwasan muna ang anumang pagpapakalat ng ispekulasyon hinggil sa pangyayari.
Kapwa namatayan ng mga tauhan ang PDEA at PNP kaya’t nararapat lamang na makiramay at mag-alay ng taimtim na panalangin ang lahat habang nagdadalamhati.
Nananatiling naka-kordon ang tatlong sasakyan na tadtad ng bala sa panangyarihan ng engkuwentro habang inalis na ang ibang mga sasakyang naipit sa imbestigasyon.
