Humarap sa Pangulong Rodrigo Duterte ang pangulo at CEO ng Globe Telecoms na si Ernest Cu.
Matatandaan na sa kanyang sona ay binalaan ng pangulo ang Globe at PLDT/Smart na handang i-take over ng pamahalaan ang telcos kung hindi nila aayusin ang kanilang serbisyo hanggang sa Disyembre.
Isinumbong ni Cu sa pangulo ang ilang libong permit na kailangan nilang kunin para makapagpatayo ng isang tower.
Kinumpirma naman ni DILG Secretary Eduardo Año na inaabot ng dalawandaang araw ang pag aplay ng permit ng mga telcos para sa kanilang itatayong towers.
Dahil dito, sinabi ni Año na mayroon na silang nilagdaang joint memorandum circular kung saan binawasan ang mga requirements na hinihingi para sa permit ng hinihingi ng telcos.
Ayon kay Año, nagkaruon na ng kasunduan sa mga LGU’s na dapat tiyaking mabigyan ng permit ang telcos sa loob ng 16 hanggang 29 araw lamamng.
