Kinasuhan na ng Manila Police District (MPD) Station 2 ang mahigit sa 100 residente ng Barangay 20 Parola Compound Tondo, Maynila na lumabag sa mga panuntunan ng lockdown.
Ayon kay Lt. Magno Gallora Jr., hepe ng MPD Station 2, naka aresto pa sila ng 102 katao na lumabag sa bente kwatro oras na total lockdown na ipinatupad sa Barangay 20.
Inilagay muna anya nila ang mga inaresto sa sports complex na katabi ng station 2 kung saan binigyan sila ng lecture hinggil sa coronavirus disease 2019 (COVID-19) bago pinauwi.
Tiniyak ni Gallora na haharapin pa nila ang kanilang kaso pagkatapos na ng enhanced community quarantine.
