Aabot sa 16-milyong residente sa Italya ang naka-quarantine ngayon.
Ito’y dahil sa mabilis na pagkalat ng 2019 coronavirus disease (COVID-19) kung saan pumalo na sa mahigit 7,300 ang positibo sa sakit habang umabot na sa 366 ang nasawi.
Ayon kay Prime Minister Guiseppe Conte, kailangang kumuha ng special permission bago makabiyahe ang mga naninirahan sa lugar na sakop ng lockdown kabilang na ang Lombardy at 14 pang central at northern provinces sa bansa kasama ang Milan at Venice.
Ipinasara na rin umano ang mga paaralan, museums at iba pang matataong lugar.
Inaasahang tatagal hanggang ika-3 ng Abril ang lockdown.
