Wala paring pagtaas sa presyo ng mga prutas sa Divisoria, 2 araw bago ang pagdiriwang ng bagong taon.
Base sa monitoring, nananatili sa halagang P650 ang kada–6 na kilo ng grapes na mula sa China, habang nasa P1,400 ang kada 9 hanggang 10 kilo ng ubas na mula naman sa Estados Unidos.
Samantala, nasa P20 parin ang kada 3 piraso ng ponkan, P10 hanggang P20 naman sa red apple, P25 sa green apple, P20 sa mga oranges ,P100 sa kada 3 piraso ng persimmons, P10 sa kada piraso ng lemons pero maari ding mabili ng tatlo-50, depende sa laki nito.
Habang P10 hanggang P50 naman sa peras.
Ngunit ayon sa mga vendor sa Divisoria, maaring tumaas ang presyo ng kanilang mga paninda sakaling maubos na ang kanilang mga lumang stocks.
