Magpapatupad ng temporary passenger traffic scheme sa LRT–1 simula sa susunod na taon.
Batay sa kanilang anunsiyo, pansamantalang magkakaroon ng dalawang opsyon ang mga pasaherong pa–Northbound , una ay ang Baclaran to Monumento, at ikalawa ay sa Baclaran to Balintawak circuit.
Layon nitong bigyan daan ang konstruksiyon ng Unified Grand Central Station o ang Common Station na magkukunekta sa LRT line 1, MRT-3, at MRT-7.
Alinsunod sa temporary passenger traffic scheme, kung Roosevelt station ang last train stop ng mga pasahero, mas maiging sumakay sila sa Baclaran to Balintawak circuit.
Mula sa Balintawak station ay mayroong shuttle train na kada 10 minuto ay bibiyahe para magsakay ng mga pasahero patungong Roosevelt.
Habang ang mga nasa Roosevelt naman ay isasakay din ng shuttle train patungo sa Balintawak station.
