Handa si House Speaker at Philippine Southeast Asian Games Organizing Committee (PHISGOC) Chairman Alan Peter Cayetano na humarap sa magiging imbestigasyon sa mga nangyaring aberya sa 30th Southeast Asian Games.
Ayon kay Cayetano, handa mismo siyang humarap sa gagawing imbestigasyon ng Senado at Ombudsman.
Handa rin umano siyang magpa – lie detector test upang patunayan na hindi siya sangkot sa anomang korupsiyon kaugnay sa paghahanda sa SEA Games.
Matatandaang mismong si Pangulong Rodrigo Duterte ay dismayado sa mga aberyang kinaharap ng mga atleta kasali sa palaro kasama na ang kanilang transportasyon, accomodation at maging sa pagkain.
