Muling naglabas ng subpoena ang Independent Commission for Infrastructure (ICI) kay Naujan Mayor Henry Joel Teves kaugnay ng umano’y substandard, overpriced at “ghost” flood control projects sa Oriental Mindoro.
Kasunod na rin ito ng pag-testigo ni Oriental Mindoro Governor Humerlito Dolor sa panig ng prosekusyon sa Sandiganbayan nitong Pebrero at pagbibigay ng testimonya sa Senate Blue Ribbon noong Setyembre.
IprinIsenta ang testimonya ni Governor Dolor sa bail hearing ng siyam na DPWH-Mimaropa officials na kinasuhan ng malversation at kasalukuyang nakapiit kaugnay sa 289 million peso flood control project ng Sunwest Corporation sa Naujan.
Ang mga nasabing opisyal ng DPWH ay nasa kustodiya ng gobyerno simula pa noong Nobyembre matapos madawit sa flood control project sa Mag-asawang Tubig River sa Naujan kasama si dating Congressman Zaldy Co na nananatiling “at-large”.
Sa naunang subpoena kay Teves kaugnay sa construction permits, nilinaw nitong walang anumang isinumiteng applications sa kanila ang kumpanya pero batay sa mga regulasyon sa bansa, pinagbabawalan kahit maliliit na negosyo na mag-operate nang walang permit mula sa L.G.U., kaya’t palaisipan kung paano naisagawa ang proyekto nang hindi alam ng lokal na pamahalaan.
Sa ilalim ng guidelines ng implementasyon, ang LGU ang pangunahing responsable sa project management, distribusyon ng ini-re-release na pondo, pagtALIMA sa safety at health requirements, registration ng bidders sa DPWH Civil Works Registry.
Pinasinayaan ang kontrobersyal na proyekto noong 2023 sa ilalim ng pamumuno ni Teves, na ama ni Muntinlupa Vice Mayor Stephanie Teves-Wong, na nagsilbing municipal administrator ng Naujan mula 2023 hanggang 2024.
